قصيدة.. انا مختلف
الكاتبة _ داليا الصلاحي
المندوب أ. بسمه عيسى
أنا مختلف .. ؟
أنا زيك .. أنا إنسان ..
لكن الملامح تختلف
طب ليه بتجرحني بكلام ..
مش راضي بيا تعترف
شايفني عبء ومش طبيعي ..
بتقول عليا مختلف
أنا مختلف .. أيوة حقيقي مختلف ..
بالفطرة عايش وببراءة ..
أجمل منك أنا بكتير
ولا مرة بخالف إحساسي ..
وقلبي كما قلوب الطير
أنا نعمة وإحسان ف حياتك ..
بوجودي بيزيد الخير
أنا مختلف .. أيوة حقيقي مختلف
سميتني متلازمة وحالة ..
مش فاهم انت إن انا
متلازمة الخير والجمال ..
عقلي البسيط عمره سنة
حالة نقاء فوق الخيال ..
ومكانها جنة .. مش هنا
يا ريت تفهمني وتقدر ..
ولأفكارك عني تغير
خليني أعيش من غير خوف
أنا محتاجك عني تعبر
مابقاش ف حياتك ع الهامش
فكر لي … وساعدني أفكر .
نقلا عن رابطة الكتاب العرب على الفيس بوك
التعليقات مغلقة.