أنا مش أيوب بـ قلم أسـمـاء الـبـيـطـار
أنا مش أيوب أنا يا دووب إنسان زيي زيك تمام
خُلقك ضيق يمكن أنا ماليش خُلق من الأساس
لكن يمكن عندي حبة صبر لجل الود
و العِشرة و الأصل و الأصول اللي إتربينا عليهم زمان
أمي ربتني على ” كلمة “
أصبُري
و على ” جُملة “
ما فيش حاجة بتفضل على حالها و دا طبع الزمان
سمعت كلام أمي و مشيت على منوال الصبر .
لكن جيت في الوسط و صبري نفذ يا نااااس
و إفتكرت إني يا دووب إنسان
أنا مش ولي
أنا مش نبي
أنا إنسان لحم و دم و إحساس و عندي طاقة ممكن تخلص
ما أنت ما بتجددهاااش ؟!
واخد بالك ما بتجددهااااش ؟!!
أصل ما حدش بيبيع صبره ببلاش
و أيوب صِبر و نال
ما بالك و أنا يا دووب مُجرد إنسان .
التعليقات مغلقة.