أنا مش ايوب…بقلم الشاعر وحيد على الجمال
اخلعي دا الباب اللي ساترنا
واركبي راسك ويا عنادك
وافتحي شباك قالوا وقولنا
بكره اللي هيفضل في كتابنا
راح يبقي دليل على إخلاصي
كل الاحلام الغرقانه
في دموع الشك ال حرقانا
اضغاث بتفسر اوهامك
مجبور ع الحزن اللي مابينا
ماهو طعمه اكيد طبعا ماسخ
لو كات أسبابه صحيح واضحه
كان حقك طبعا على راسي
بتعدي ايام وبتيجي أيام
وكأني بقيت من أصحابه
مررتي الحلق بتجريحك
وأهانتي كرامتي بتلميحك
والصبر حدوده راحت بينا
وكأنه اتعود على حالنا
لو قالوا الحزن في يوم هيموت
راح اجيب من تحت النعش سكوت
يشهد على وجعي ف أحضانك
انا عايش ع الهامش مشدود
وفي وسط الفرح بكون مخضوض
وان زدتي شويه اصبح مقبوض
وكأن انا صفر ما بين صفرين
والصفر تملي مهوش موجود
شايفينه لكنه مهوش محسوب
عن صبري هتوب انا مش ايوب
فبلاش تتمادي وتتغري
ما هتجني الحب بحدف الطوب
انا مش ايوب
وحيد علي الجمال
سرس الليان محافظة المنوفية جمهورية مصر العربية
التعليقات مغلقة.