أنا مش نبي …
بقلم بهاء اللبودي
من غير سلام ولا حتى لوم
كان حد قالك ترحلي ؟
وآهو عدى كام ١٠٠ ألف يوم
ولا جيت فبالك تسألي
..
وأنا مش ولي
ولا عمري كنت فيوم نبي
أفضل ما تجري وتهربي
كنت إسألي
وساعتها حقك تزعلي
وساعتها عادي اتكلمي
وادللي واتعصبي
..
من غير عتاب .. وآلام كتير
هسأل سؤال .. فعلا خطير
هيَّ القلوب .. تقدر تطير
غير بإهتمام
مش شرط يعني يكون كلام
لو حتى نظرة تشدني
وساعتها عادي اتكلمي
واتدللي و اتعصبي
دنا مش نبي .
أنا كيف ما أنا
بعشق خضار السوسنة
واتمنى أشوفك كوكبي
أنا مش نبي
التعليقات مغلقة.