أنا نفسي
كلمات : محمد كسبه
أنا نفسي
أكلم حد يفهمني
أكلم حد يسمعني
ينسيني حال الدنيا
و أشوف الفرحة لو ثانية
أنا نفسي
افضفض بأي كلام
و أفك الضغط و الاوهام
و أشوف أحلامي بتحقق
و انا بصدق كدبة الأيام
أنا نفسي أعيش و أتحب
و وسط الضلمة أرسم قلب
و قلب معايه متعلق و متشوق
بنظرة حب متزوق بأحلي غرام
أنا نفسي أعيش مرتاح
و أرفرف في السما بجناح
و لا اتكلم عن الماضي
و أعيش راضي مسا و صباح
أنا نفسي
أغمض عين و أفتح عين
ألاقي الفرحة ماليه العين
و اودع الهم و الأحزان
و أعيش انسان و لو ليومين
التعليقات مغلقة.