أنا ورد فتح … بقلم مسعد البحراوي
أنا ورد فتح فوق خدودك بس
والقلب عمره لا داق غرام ولا حس
غيرك ياكل المحتوى والنص
أنا ورد فتح فوق خدودك بس
فتحت عيني لقيت وطن
في عيونك الحلوين
السُكنه فيكي و السكن
والغُنه والموازين
بِـهَواكي بيدور المكن
يعزف شجن بيفرح السامعين
يروى الوتين والنفس
أنا ورد فتح فوق خدودك بس
إنتي اللي نهرك ليل نهار
بيفيض على الوجدان عمار
فيحس دايما بانتصار
على الهموم واليأس
أنا ورد فتح فوق خدودك بس
على فكره مش هفقد أمل
وهعيش ياروحي على أمل
إن احنا نبدأ بالعمل
مع بعض نبدأ غرس
شجر الوداد جنب البلح
شجر الأمان جنب الزتون
نجني من الرمان سبح
ونطعم التين يرملون
يابنت ناسنا الطيبون
قلبك حنون
وجنون حياه كان ذنبنا ؟
الكيل طفح
م الدنيا وسنينها العجاف
وبقيت بخاف من نظره محتله العيون
وخدانا لحياه م الظنون
وكأنها قد صابها مس
أنا ورد فتح فوق خدودك بس
التعليقات مغلقة.