أوصفك ازاي…فوق شط العشق…شعر مسعد البحرواي
ومنايا الحب يجَمّعنا
مافي غيرك يلهب أشواقي
ولا نبض يطَيب أوّجاعنا
أوصفك ازاي وانتي أميره
من عالم تاني مالوش كوكب
دا مجرد روحي تجيب سيره
على صورتك لازم تتركب
إنتي الإحساس ونعيم الكاس
وحروفي بنبضك تترتب
ترسم إخلاص بوح الأنفاس
فوق شط العشق بيتسرسب
يطرح عناقيد لؤلؤ بيقيد
لعيون القلب المتغرب
أصل انتي العيد كل المواعيد
ولا حزن ف حضنك بيقرب
وبعيشها وحيد
.. طول مانتي بعيد
والناس من حالي بستغرب
حبيني كمان محتاج لأمان
ولحضن يتمتم ويطبطب
فرق المسافات بين ماضي وآت
كلمات مفروض إنها تُكتب
في جبين وجفون ورموش الكون
فليحيا المعنى المستعذب
ياحبيبتي ياموطن أوطاني
يامصير العهد النوراني
أنا عمري مايخمد بركاني
غير لما يبان حالك طيب
نبضك طيب
من يعلم بيكي ولايحبك!
حتى الحُساد طالبين ودك
بيغيروا ياست الكون منك
د ان حتى شبابك غاب عنك
(الحُسن)بحسنك يتعجب
يحكي ويقول بكلام معسول
في عيونك دول يفضل يكتب
كل الحكايات بالكل لغات
تقراكي ف أياً كان.. مذهب
كلمات/ مسعدالبحراوي
التعليقات مغلقة.