أوصفها بإيه ….
بقلم بنت مصر/سولافا بسيوني
جابولي ورقة
وقلم قالوا
إكتبي أوصافها.
أنا قولت مهما
كتبت خسراللي
عمره ما شافها.
والسطور بقلمي
تخلص ولا أقدر
أنصفها.
دي جنة الله
على الأرض
وإحنا حراسها.
كرمها ربي
ف كتابه
ومن الأعادي
حفظها.
أوصف وأقول أنا إيه؟!
دي جمالها
ماله مثيل
ولو بديت
أنا فيه
هكتب كتير
أشعاروأقول
ليل ونهار
لو أنقي أنا
وأختار ولا
يوم أخلصها.
بدر البدور فيها
ساحر و ضيه
جميل.
ونجومها ليها
لمعة متقاله
في المواويل.
حتى شمسها
الدهبية حاضنه
لأجمل نيل.
وهرمها شاهد
عليه جيل من
بعد جيل.
وشوارع للتاريخ
بتحكي وأثارها
ليها دليل.
وجدعنه في
ولادها وشهامة
إبن أصيل.
أنا مهما قولت
قليل دا تملي
قلبي يميل
ولو القلم هيبوح
ما يكفي كراسي
موصوفه ليا
يا مصر دوايا
وتاج راسي.
شايلاكي جوا
عيوني ومن
غيرك آآسي.
قلبي دا حته
منك نبضي
وإحساسي.
دمي يروح
فداكي و دا
شئ عادي
وأساسي.
التعليقات مغلقة.