“أوعى تطاطي” خاطرة بقلم بـ قلم أسـمـاء الـبـيـطـار
أوعى تطاطي تلملم حلمك من قدامهم
أوعى تقول حلمك غلبان
أوعى تكون ثقتك إتهزت
من كلمة قالوها بدون حُسبان
كسرت روحك ؟
إفرد صبرك و أربط عزمك
عااافر
و إمسك فيه ب إيديك و سنانك
أوعى تقول أملك ضعفان
حلمك
بقى نطفة و علقة
و عُمرك إنت ما كنت جبان
إصلب طولك
دا خلاص هانت و أهوه ع الباب
و إفتح للأمل شباك
و إزرع فيه دوار الشمس
و بص و شوف إزاي بيدور ويا النور
و شعاع الشمس
و إوعى تخاف لا الشمس تغيب
دا يوم ما تغيب بتسيب طيف
على رمل البحر
تسرح ف جماله لحد الصُبح
و شعاع النور يطلع من تاني
و تلاقي حلمك بقى أد البحر
أوعى تطاطي .
التعليقات مغلقة.