اوعي تزهقي
أسماء البيطار
بعد فترة من العُمر ليست ببسيطة
هتحسي إن ولادك هما دُنيتك و اخرتك
هما حصاد عُمرك كله الحاجة الحلوة اللي في دنيتك كلها و اللي طلعتي بيها من الدُنيا على أي وضع كنتي فانتِ أم
تلك الأمومة التي كنا نحلم بها حين كنا صِغار فكل شئ في البيت
إن لم يكن عندنا رفاهية شراء الألعاب كنا نلفه على هيئة طفل
و نمارس امومتنا عليه
فحين يصبحون حقيقة فكل الحب لهم فكل القلب لهم فكل الخير لهم فكل العطاء لهم فكل جميل لهم
صحيح في ولاد مُتعبين شويتين تلاته بس اوعى تزهقي
ديماً حبك ليهم سابق اي نصيحة
ديماً صداقتك ليهم سابقة امومتك
ديماً رحمتك سابقة غضبك
ديماً طبطبتك عليهم سابقة عقابك
و عن تجربة العقاب بالكلام الهادئ اشد من الضرب و اذية النفس على المدى القريب و البعيد
الطفل و اللي فيما بعد مش هيبقى طفل هيبقى كيان انتي بتبنيه
فهتمي بالأساس قبل أي شئ
عودي طفلك على الحرام و الحلال منذ نعومة اظافرهم
و اوعى تسمعي كلام اللي بتقولك هتطلعي العيل معقد
اوعي تخليه يخاف من كلام الناس اد ما يخاف من ربنا
لأنه صدقيني دا غرسك و هيطلع زي ما عودتيه
عوديه على الصدق في القول و هتلاقي النتيجة
طفل ثم شاب ثم رجل على الفطرة السليمة
و تجربة بسيطة مع ابني الصغير هو ما شاء الله في إعدادية دلوقتي
كان و هو صغير يعيط لما باباه ياخد اخوه و يخرج
يقولي ماما هما راحوا فين عاوز اروح معاهم
اقوله راح يحلق لأخوك
سبحان الله كان يسكت و يبطل عياط
ما كنتش اقوله راح ياخد حقنه و يمشي العفريت و الكلام ده .
و لما ولادي يرخموا عليا و يقولولي ماما انتي مش بتزهقي .
اقول لهم لحد ما ربنا يأمر بالرحيل مش هزهق لأني هتحاسب عليكم .
هتتحسبي عليهم فأحسني لنفسك و اتركِ أثر طيب في الأرض و دعواتك لكِ حين يرون غرسك و غرس غرسك
لأننا بالبلدي كده بنربي زي ما اتربينا
طولت عليكم كـ العادة
التعليقات مغلقة.