أول قصيدة …
عبد الرحمن عمران
أجمل ما فيها كان الأمان
أحضان تشيل كل الهموم
أسرار تسيل مني في بير
تفرد ضلوعها ليا سرير
تنسج بشوقها فرشة حرير
ولحافي كان حضنين دفا
فيكي معاني كلمة وفا فيكي الشفا.
تيجي الظنون انك ملاك
مانتيش بشر داب الحجر
من نور عيونك
حالف فؤادي إنو يصونك
دا انتي الدعاوي المستجابة
انتي الأمومة في وسط غابة
انتي كنور الشمس ضيك
يمحي في قلبي معنى الكئابة .
فاكري
فاكره الحكاوي واللي فات
فاكرة المساطب والسكات
والضحكة دي اللي بتروي قلبي
قلبي اللي بعدك صار خراب
طير حمامه وجاب غراب .
بينوح عليكي كل ليلة
والدمعة مني تسيل قتيلة
شرذة فتيلة
تحرق قصور الشوق
وتهد قلبي البيت .
فاكر فؤادي بقولو قفل وشد الباب
دا خلاص انا حبيت .
أجمل ما في البساتين ستين
قصيدة كتبتها بوصف في رقة كفها
وعصاني قلبي في أنه يكتب
أول قصيدة في بعدها .
التعليقات مغلقة.