أول ماتسمع إسم مصر…
كلمات مسعد البحراوي
أول ماتسمع إسم مصر
أول ماتسمع إسم مصر تقوم تقف
وتشد كتفك والسواعد إنتباه
كل اللي حاول يجني على روحها اتحذف
مفهمش إن عشانها موجوده الحياه
رتل حروفها كده بلسانك واعترف
كل مكان حارسه ملك
ودي أرض بحرسها الإله
مافي غيرها مذكور في الصحف
ولا غيرها للدنيا اتجاه
أول ماتسمع إسم مصر تقوم تقف
وتعد نفسك للصلاه
على خير خلقه اللي اغترف
من قلب مصر ياواد فتاه
وكمان ترابها اللي اتنصف
يتوارى أحفاده بثراه
أول ماتسمع إسم مصر تقوم تقف
دي ملك للكوكب وجاه
أول ماتسمع إسم مصر تقوم تقف
شوف المعالم كل مَعلم إيه وراه
دا ماكانش لا حجاره وتحف
دا سر من عند الإله
مهما البشر فيها انجرف
بتكون سفينه للنجاه
أول ماتسمع إسم مصر تقوم تقف
دي اختصها الرب برضاه
أول ماتسمع إسم مصر تقوم تقف
وبكل عزمك إنتباه
ماتكونش زي اللي اتخطف
وعن صواب سكتها تاه
أول ماتسمع إسم مصر تقوم تقف
دي الشوكه في عيون الغُزاه
لاعدو ليها كان اتنصف
ولا ييجي يوم يبلغ مناه
أول ما تسمع إسم مصر تقوم تقف
دي علم ما هتوصل مدآه !!
أول ماتسمع إسم مصر
تقوم تقف
كلمات مسعد البحراوي
التعليقات مغلقة.