أول يوم في المدرسة…
أحمد فؤاد الهادي
أول يوم فى المدرسة
منذ ست وستين سنة !
صورتي سنة 1957 – ثانية إبتدائي.
ــــــــــــــــــــــــــــــــــــــــــــــــــ
شقشق الفَجْر والسما
صافية وفَضْية
ونِسْمة باسِت خدودى
وهي معَدْية
مَرْيَلتى جميلة
تيل نادية
وامى بَشُوشَة
طَيبة وهادية
وشنطتى فاضية
بَس مِشْ فاضية
فيها نَظْرِة ابويا ودعْوته
وقلب امى ونَفسْها الراضية
عارف طريق المدرسة؟
سألتنى أمى مِتْحَمِسّة
ضحِكْت وهزيت دماغى
مين مايعرفشى المدرسة!
النهاردة الطريق طويل
وشكله كمان مِخْتِلف
والشجر أخضر جميل
فِرِح ضرورى لما عِرِف
وعم صابر جارنا الأصيل
ساعة ماشافنى قام وقِف
هزت كيانى وَقْفِتُه
جريت بسرعة ناحيته
اُقْعُد ياخال
باس دماغى وبالله حِلِفْ
انه مانام من فرحته
لماعِرِفْ
انى هارُوح المدرسة
دمع وقال
بِنِفس راضية مُخْلِصة:
مستنينك لبكرة
ترُوُح .. تجيب الهندسة
ــــــــــــــــــــــــــــــــــ
أحمد فؤاد الهادي ـ مصر.
التعليقات مغلقة.