أيام الهوي شعر / جيهان النجار
وماتهونشي
وبرضه قريب
أنا متهمة فيك
لكن مشاعري
بريئة
زي الديب
يقولوا يعيدوا
ما يضرش
انا قلبي اللي
راح وعيوني
مراحوشي …
لحد غريب
وعارف مهما طال
العمر
أنا معتمدة ع النية
أنا مش هقبل
الدية ومستنية
مهما خد… الله مسيره
يوم هيجيب
وحبك شئ
وملناش فيه
داحكم الله هنعمل
ايه
ولو كان الغرام
بإيدينا كنا
عاتبنا
روحنا عليه
قلوبنا ملك خالقها
مشاعرنا
وبارئها
سامحنا فيها
علشان الحب
أصله
نصيب
أنا دلوقتي
فى الانتظار
وبيني وبينه
فيه خلافات
وتار
وعندينا
ف صعيد الحب
عار الصبر
اكبر عار
عاوزني اعترف
تاني
اعترف لك
*أنا في الحب….
عديت المواجع
ذاكرت الصدق
في كل المراجع
وسافر قلبي
لعيونك
وراجع
عشان أتعلم
الشوق
وأحترفلك
حبيبي كل يوم
باحبك اكتر
بقيت لما بافكر
فيك….. باااافكر
باسأل هو ليه
الحب في صف
المذكر…
وعمره ما ينصف الستات…. وعيبه
عموماً
دي محاولة وبنحاولها
وأيام الهوي
تلك نداولها
وبكره هتعرف
إن الحب دولة
مشاعري
القاهرة والشوق نخيلها
عيوني مينا
وأهم المواني
ولمسة إيدى
شط لحب
تاني
ولجل الشمس
وضحاها
وأصيلها
فأنا لسه
ف مكاني الأولاني
وعنواني ف هواك اسكندراني….
ورغم البعد
روحي شادة
حيلها.
التعليقات مغلقة.