أيام زمان گلمات : أشرف يوسف
الموجي و گمال الطويل
وبليغ وورده
رشدي و سومه و فايزه
ومكاوي ونجاة
شاديه و سعاد مكاوي
ووديع والقصبجي
العندليب و سعاد محمد
شهرزاد
وَهَّابِي موسيقارنا و عبد
الْمُطّلِب
سُنْبَاطِي ومعاه فهد بلان
راح يغني
قنديل وليلي مراد واخوها
منير وعايده
هاني ونجاح سلام ومحمود
الشريف
وعُلِيَّا وصباح يااااه وسلطان
جاب فريد
عبد العزيز محمود و كارم
ليلي نظمي
عبد العظيم محمد والعذبي
وشكوكو
الناس دي كانت
عايشه إحساسها زمان
مع بعض صح
واحنا النهارده للأسف
بقي كل شيء جوانا بَحّ
ولا عاد طرب ولاعاد نغم
ولا عاد مشاعر فى القلوب
كل اللي شايفينوا صِوِيت
و زعيق و فوضي و رَمْي
طوب
علي إنه ده هو التقدم
و الحضاره
و احنا اللي دقه قديمه
ملناش في الشطاره
غنيتوا إيه علشان نحسه
ونسمعه؟!!!
شاطرين أوي فى مضغ اللبان
وتفرقعوا
وشعوركوا تِطْوَل عالكِتَافْ
و اللي بيتفرج يشوف
ساعه تمسكوها بالتِّوَكْ
وساعات كما شعر الخروف
واهي دنيا عايشينها وخلاص
ولا عاد لنا منكم خلاص
يا صنف عايز يِنْضِرِب
بالآر بي چي أو بالرصاص
التعليقات مغلقة.