أيوة كان لازم أقولها
ياسمين عبدالرؤوف محمد
أيوة كان لازم أقولها
كل شىء بينا انتهي
لما الغياب بقا سكتك
وألف عذر ابتدي
واختفت لهفة كلامك
وشوق عيونك انطفي
أيوة كان لازم أقولها
انهي قصة العتب
اريحك من 100 سؤال
و 100 جواب و 100سبب
مش هناخد حاجة منهم
غير العذاب ويا التعب
أيوة كان لازم أقولها
مكنش ليها عندي بديل
وسكاتك كان ليا رد
كان إجابة كان دليل
إن حبك ليا وهم
كان يادوب حبة تمثيل
كل شىء بينا انتهي
أصعب كلمة قولتها
كان نفسي أسمع وقتها
أنا بعشقك وانتي الحياة.
المندوب : بسمه عيسى
التعليقات مغلقة.