أيوه قلبي حب كلمات / محمد كسبه
المكان ما بقاش مكانك
ما بقيتش من أهله
و القلوب مش مرتاحالك
و أهو ده إللي تستاهله
ده الفراق مكتوب أكيد
امشي فارق من بعيد
ده كل شيء رجع لأصله
و إحنا من غيرك في عيد
أيوه قلبي حب آه
بس حب في مستواه
حب دايب دوب معاه
و الروح بتشتاق له
خدها قاعدة خدها عادة
الحب شيء مليان سعادة
فرحة بتزيد كل مادا
مع حد بترتاح له
أصلها مش ناقصة تقل دم
خلي فيه إحساس يا عم
عندي ألف شيء مهم
و إللي زيك بنفض له
ناس بتلبس ألف وش
كل يوم خداع و غش
الناس دي إيه ما بتفتكرش
حد و لا بترد له جمايله
التعليقات مغلقة.