أَنِين الصَّمْتْ بقلم أبومازن عبدالكافي

أَنِين الصَّمْتْ بقلم أبومازن عبدالكافي

أَنِينِ الصَّمتْ بِيْمَوِّتْ

مِنِ الآهَاتْ

وِكَبْتِ الْحُزنْ جُوَّة الْقلبْ

تِتْعَارِكْ مِعَاه أصْوَاتْ

حَبِيسْةْ الْحَلْق طَعْمِها مُرْ

بِتِتْأَلِمْ مِنِ الْأنَّاتْ

لَكِنْ خَايفَة تِفِكْ الْقَيدْ

وِتُخْرُجْ تِسْكُبِ الْعَبَرَاتْ

عَلَى الْلِي عَاشْ وِ عَ اللي مَاتْ

وِوَدَّعنَا وِسَابْ حَسَرَاتْ

وِ عَ اللي بَاعْ وِ عَ اللي خَانْ

وِعَيِّشْنَا سِنِينْ وَيْلَاتْ

ياصَمتْ اصْبُرْ .. مَتِسْتَعْجِلْشْ

وِتِفْتَحْ بَابْنَا لِلأَصْوَاتْ

أَكِيد يَاصَمْتْ جَاي اليُومْ

وَلا يُمكِنْ نِعِيشْ في سُبَاتْ

هَنِتْحَرَّر أَكِيدْ مِنَّكْ

وِنِتْكَلِّمْ بِكُلِّ ثَبَاتْ

يَاصوتْ الْحَقْ يَا مَكْتُومْ

سَامِعْ لَكْ فِي القُلوبْ دَقَّاتْ

في 1/11/2021m
( الإثنين ) .