إبكي ليها .. وإبكي بيها .. بقلم الشاعر /محمد عبد الفضيل
أبكي ليها
وأبكي بيها
هي دمعة في كل حال
وأشكي منها
وإشتكيها
دي اللي قلبك ليها مال
مش خسارة الدمع فيها
الخسارة هي إنك مرة تانية تشتريها
مهما هتسوق الدلال
كل حاجة حلوة فيها كات تشدك
غمزة واحدة من عنيها كات تهدك
كات توديك للخيال
كنت ليه لعبة في إيديها
كنت نكرة وشيء محال
مين اللي قال يوم عليها
إنها غاية وآمال
عايقة والمكر في عنيها
سلعة بايرة من الجمال
فوق لنفسك هتلاقيها
كدبة . مالهاش إحتمال
التعليقات مغلقة، ولكن تركبكس وبينغبكس مفتوحة.