إبني…بقالك كام سنة غايب گلمات ؛ أشرف يوسف
بقالك گام سنه غايب
ه‍ناك و حنينى دوبني
وبعدك جه على لحظه
وأثر فيا و تعبني
و دمعي يسيل على خدي
و لا بيدك و لا بيدي
وليلى طويل مع الغربه
و لا بيرحم و لا يعدي
واعيش ازاي وگان صوتك
فى كل مكان بيشجيني
و بتمنى و لو فى الحلم
تبقى معايا و تجيني
و فضيت دنيتى عليا
وخدنى ه‍واك لگام ذگرى
و انا المجروح و بتألم
فى بعدك يومى وف بگره
و انا اللى بعيش بأحزاني
فى ليل بعدك و بتألم
و شايل ياما جوايا
و دمع العين بيتگلم
و قبل آواني شاب شعري
و دقت المر بزياده
و حتى الصبر مش قادر
عليه و الموت صبح عاده
فى لحظه الدنيا تخدعني
و لحظه الاقيك مودعني
ونفس اللحظه اعيش فيها
آلامي و جرحى يوجعني
خلاص يا احمد معدش
گلام؟؟؟
ولا حواديت؟ ولا حگايات؟
خلاص راح اعيش بقلب
جريح
و قلبي زي قلبك مات
الخميس بتاريخ ٢٠٢١/٩/٢٣م
بقلم الشاعر ؛ أشرف يوسف
من ديوان (( دموع و ألم ))
گتبتها فى ذكرى رحيل
(( إبني )) أحمد أشرف
جعله الله من الأبرار وأعد
له نزلا بالفردوس الأعلى
التعليقات مغلقة.