إتسرقت. شعر غنائي
بقلم ابراهيم الافندى
الطيبة فين اللي بتضحك في العيون
انت اسرقت
فين الحنان والراحة و الحب بجنون
انت اتسرقت
فين الأمان انت بقيت تعرف تخون انت اتسرقت
فين قوتك فين حكمتك مين قَلًِّبك
انت ما كنتش حد يقدر يغلبك
و ما فيش عيون الا عيوني تدوبك
انت اتسرقت
فين معاني الإنسانية
و خوفك القديم عليه
و البساطة اللي في عيونك
اللي كانت مش عادية
انت لو تفضل كدا
بالنسبه ليا انت اتحرقت
الطيبة فين اللي بتضحك في العيون انت إتسرقت
فين الحنان والراحة و الحب بجنون
انت إتسرقت
فين الأمان انت بقيت تعرف تخون انت اتسرقت
أسفة جدا ع الإطالة
الحياة وياك محالة
قوللي بس ازاي أكمل
و الهوا ف حالة بطالة
رجع النسخة القديمة من عيونك من هواك
رجع النية السليمة لو عايزني اكون معاك
انا لسة مش متأكدة هو انت طول عمرك كدا
وانا لما شوفت عنيك غرقت
انا اللي يمكن انسرقت
الطيبة فين اللي بتضحك في العيون انا أتسرقت
فين الحنان والراحة و الحب بجنون انا اتسرقت
فين الأمان انت بقيت تعرف تخون انا اتسرقت
التعليقات مغلقة.