إتواعدنا و إتلاقينا بقلم : أشرف يوسف
للشاعر : أشرف يوسف علي
في قاعده جميله دوبنا
مع الثواني
وكان الحب بيضلل
علينا
وبين همسه ولمسه
وكلمه حلوه
وكاااام نظره اتواعدنا
واتلاقينا
ساعتها ما حسيناش
بالوقت خالص
عشان الوقت بالأشواق
سبقنا
ومن فرحتنا سرقتنا
الدقايق
وما عرفناش منين
وازاي بدأنا!!!
وعيشنا مع الخيال
لحظات جميله
واتاري اللي احنا فيه
هو الحقيقه
جمال إحساسنا خلي
قلوبنا تفرح
وننسي الدمعه من
أول دقيقه
شعور خلانا عايشين
بالموده
ما عيشناش بيه في يوم
زي النهارده
وحلم جميل بنتمناه
يجينا
وجايب لينا فرحه
وألف ورده
ويوم ورا يوم بتحلا
الدنيا لينا
وأجمل فرحه في قلوبنا
وعنينا
ياريتنا من زمااااان
كنا اتواعدنا
في دنيتنا الجميله
واتلاقينا
الأربعاء بتاريخ ٢٠٢٢/١١/٢م
التعليقات مغلقة.