” إزاى “بقلم الشاعر / محمود فوده
يا سبب في همونا وأوجاعنــا
إزاى فــــــي هــوانا تودعنــــا
إزاى علي قلبي تكون قاســـي
ولا عمـــــــــرك كنت بتسمعـنا
إزاى
إزاى خليت الحــب عـــــــذاب
ولا تعرف معنـــى إننـــا أحباب
إزاى حولت حياتــــي جحـــيم
كان قلبي سليم وف حبك داب
—-
كت كل حيـــاتي معــــاك أحلى
طول منا وياك
كت روحــــي بتعشق أوقـــاتك
وبقت عشقاك
كان كل كلامـــي وإحساســــي
وقلبي اللي شاريك
بيفكر فيــك وف همس عنيـك
ودايب في هواك
من إمتـــــه بتبعــد وتخاصــم
وتعيش مهموم
منا كنت حبيبك وفـــــي حبك
ما بذوق النــوم
أنا قبــل ما تنطق من همســـك
قــــارئ معانيك
لو شايف فيــك تغييـــــر لحظه
بتزيدني هموم
خلتني معــــاك واحد تانــــــي
ولا عارف انا مين
غرقــان في همومي وأحزاني
وبقلب حـــــــزين
لولا إن هـَـواك اللــي غوانــــي
وبقيت حيـــــران
كان فاتنـي زمان عايش رايـق
مش فيها مسكين
أتوقـــــع منك إيــه تانــــــــي
في حياتي واشوف
غير إني أشوف منك غـــــدرك
وتقولــــــي ظروف
وتقولي سماح تاني واسامحـك
منا قلبي ضعيف
عاش ياما إتعـــــذب في حياتـه
واهو ياما يشوف
خليك محبوب على قلبي وتوب
الصبر معـــــاك خــــــــلاه أيوب
محتـمل علشــــــان بيحبـــــــك
لو كان على حُبـــك محجـــــوب
—-
من ديوان حيـــــــاة الروح
التعليقات مغلقة.