إسماعيل أبو شليل ..
من سجال شعر العامية على صفحة الإذاعية القديرة الأستاذة جيهان الريدى
و كانت بدايته
من كلمات الشاعر سامى الوكيل حيث قال:
الضحكة وسط الوجع
فوق الجبين قوة
مع أن كل الالم
والجرح من جوة
ومهما كانت وجيعتك
اضحك اوي للناس
خلي الوجع جوة
فأكملت قائلاً :
الضحكة وسط الوجع
تكبت عدو خناس
يرصد عيونك نفسه
تتهان ما بين الناس
فوت عليه الفرصة
و اتحلى بالقوة.
الضحكة وسط الوجع
قوة لأحبابك
تملى قلوبهم دفا
و لا يزهدوا رحابك
و لو دموعك تغلبك
إإقفل عليك بابك
الضحكة وسط الوجع
محتاجة قلب كبير
يشوف فى قلب الضر
الرحمة ويا الخير
و لا يلتفت للخلق
يطمع فى حق الغير
دا العقل ف التفكير
و الرب ف التدبير
الضحكة فيها سر
رغم الوجع و الآه
سهلة على اللى قلبه
عايش ف نور الله
التعليقات مغلقة.