إشتياق …
أشرف يوسف
إشتياق
شعر غنائي
گلمات : أشرف يوسف
علي قد قلبي ماحن ليكي
قولت يمكن أوْحَشِك
ياما نفسي اقابلِكْ في الهوى
و توشوشيني واوشْوِشِك
واخْدِك فى حضني بالأوي
وإيديا علي شَعْرِك تفوت
و ندوب أنا وانتي سوى
بالهمس من غير أي صوت
و بگل شوق أتْصَوَّرِك
و تفكريني و افگرك
وِنْ جانا ليل بعد النهار
أسهر معاه و أسَهَّرِك
لگن خساره گل دا
بقى حلم و اتمناه حقيقة
ياريت ساعاته تعود لنا
و نعيشها تاني و لو دقيقه
دا انا قلبي ماتغيرش ثانيه
و لا حَبّ بَعْدِك واحده تانيه
و يحب ليه وازاي و حُبِّك
يا حبيبتي أحلي دنيا
يا دموع عنيا اللي انگتب
عليها ليل و نهار تسبل
ليه يبقي ويانا الأمل
فى الدنيا ونقول مستحيل؟
مش دا اللي قولنا فى يوم
عليه
يا حبيبتي في ليالي القمر
يا ريتنا نرجع من جديد
و نعود مدام الشوق أمر
ونعود مدام
الشوق أمر
الثلاثاء بتاريخ ٢٠٢١/١٢/٢١م
بقلم الشاعر : أشرف يوسف
من ديوان : لوعه و حنين
التعليقات مغلقة.