إطمئن…
سامى الماحى
قلوبنا علي كف الرحمن احنا وعيالنا
ملناش غير رحمته هي اللي بئيالنا
بنقول يارب سهلها واصلح لنا حالنا
لا احنا بنخاف من الموت
ما احنا كدا كدا هنموت
بس اللي بيجرالنا عمره ما كان فى بالنا
يارب
عديها علي خير ملناش غيرك كبير
واسترها يا رحمن
عارفين أن المكتوب مفيش منه هروب
وبنطلب الغفران
مهي دنيا زي الرحله وبتنتهي في يوم
لا هي حلوه ولا وحله لا دا ولادا بيدوم
عيشين في حلو و مر كدا أو كدا بتمر
مهي دنيا زي الممر عمرها كله يوم
عارفين كله بأمرك وتدبيرك
والموت مفهوش شفاعه دا تقديرك
بس احنا يارب غلابه ملناش غيرك
اختلطت الأمور ومحترين
احنا مابين شطين غرقنين
يارب شط الأمان رجعنا نعيش ف أمان
دا احنا كنا زمان عيشين ومش حسين
بحلاوه أيامنا
دلوقتي بنعشنها
ملناش غير رحمتك هي اللي بئيالنا
٣١ / ه / ٢٠٢٠
سامى الماحي
التعليقات مغلقة.