إطمني ..
بقلم أحمد زيدان
حياتي الميته إنتي
غرامك شوك علي رقبَتي
يا رحلة حب ف الممنوع
في عز الحزن بحتاجك
يا ضمة حزن قابلتني
يا خوف متعاش يا عمر بلاش
يا ايامي اللي ما بتهناش
يا كل الخوف في ايامي
يا احلامي اللي مبتصحاش
يا لحظة حزن ضمتني
انا العايش قريب منك
أنا الميت بشيء منك
و في المعني اللي جمعنا بخاف منك
من الروح ال مش شبهك برئ منك
و من غيرك منيش ناقص ،،،،،،
ولا ف بعدك بكون كامل
أبات محروم من الزواد،،،،،،،،،
ولا إنك تكوني بعيده …!
معادله غلبت اصححها ،،،،،
ألاقي الذكرى بتقلب
حجات مقدرش اضيعها
أكون مشتاق و مش باين ،،،،
اداري الارتباك في عنيك ،،،،،
أكون مظلوم و ابان خاين
أخبي الظن و أتخيل
جنوني و لهفتي في قربك ،،،،،
رسمتك لوحة ع الجدران،،،،،،،،
و ورده مسكها في اديا
نسيت النوم و انام ازاى،،،،،،
و شوقي صاحي حواليا
من بعد ما جوبتك
مستني مِنك رد
لا انا غلطان ولا خايف
ولا هقبل اكون مرغوم
حاولت كتير أبيع حبك ،،،
أو اقسى عليك او اخونك
و طيبة قلبي تمنعني …و ألاقي روحي بتقولي ….!!!!
يابخت اللي بات مظلوم .
في عيد الحب بكتني
تحس ازاى …… !
و احساسك سراب معدوم
كرهت الحب من يمك
حصادى في زرعتك اوهام
سجلي معاك الم و خصام
سكتي ليه اتكلمي !
روحي اسألي سنيني العجاف ،،،،،
مين كان السبب ف الاختلاف
ملّ الطريق من خطوتي،،،،،،،
و الحمل زايد ع الكتاف
امشي لي خطوة اتحركي،،،،،،،،
ولا انتي ناويه عالثبات تتحنطي
اتقدمي و اتحركي،،،،،،،
غدرك مكانه متقلقيش
كدبك متعلق عالحيطان،،،،،،،
في كل ركن مرسوم ع البيبان
اطمني انا مش بخير ….!
التعليقات مغلقة.