إعدلوا الميزان
بـ قلم أسـمـاء الـبـيـطـار
بعد فترة من العُمر ليست ببسيطة ، هتعيش حياتك زي ما انت عاوز
أو اللي المفروض كنت تبقى عايشها ، أو هتعيش بشخصيك الحقيقية
كتير مننا بييجي على نفسه ، و تقريباً بيدفن شخصيته ، و بالتالي جزء كبير من عقليته ، و للأسف بيحاول يتعايش بعقول الآخرين !
و بتسيطر عليه عاطفته !
ميزان ممكن يخل بأمور حياتك كلها .
حتى و إن كان الهدف نبيل .
لأن مع مرور الوقت ، و العُمر ، و الزمن ، هتكتشف ، إن عقليتك
” بتنجرف ، بتنحرف ، بتدخل في حالة من السلب و النهب “
يمكن بتفضل على كده فترة طويلة من عُمرك !
زي اللي متخدر ، و صحيح من وقت للتاني بتقف مع نفسك علشان تحاول تفهم نفسك !
لكن ما بتطولش ، و السبب غير مفهوم أيضا !
لكن حقيقي و عن كثير من التجارب شخصيتك اللي دفنتها أيا كانت
هتعود اقوي من الأول ، و حط تحت أيا كانت دي مية خط .
و مش لازم تكون شخصيتك قوية، فتقوم جاي عليها علشان الأمور تمشي ، سواء كنت أب ، أو زوج ، أو زوجة ، أو حتى أبناء .
لكن بردوا في شخصيات سيئة جداً جداً .
محجمها شخصيات أقوى يمكن في العقل و يمكن بالعضلات .
بالبلدي زي ما بنقول ” مشكومة ”
و يمكن دي اسوء شخصية ممكن تنفجر ، و ما حدش يقدر عليها .
اسوء شئ في الدُنيا و حقيقي قنابل موقوتة
إنك إنت بذات نفسك تلغي شخصيتك لفترة .
أو إن حد يلغي شخصية الآخر غصب و إقتدار .
و حقيقي النوعين رغم الفارق في الشخصية سواء كانت قوية أو أنانية دنيوية .
مؤشر لخلل صعب إنه يتعدل بين يوم و ليلة .
أو مؤشر قوي لنهايات بلا رجعة .
أو مؤشر لمشاحنات لا نهاية لها أو أو أو .
نـصـيـحـة ..
حُط قلبك و قدرتك و عضلاتك على جنب .
و شخصيتك أو شخصية و عقلية اللي قدامك أيا كانت في كفه لوحدها .
صدقني شخصيتك زي ما هي كدة بتعدل ميزان الحياة .
بتخليه يستقيم ، بتخليك شايف اللي قدامك على نور بكل ما فيه .
و حقيقي أكتر ناس عايشة مرتاحة ، الناس اللي أول ما رجلها دبت في الحياة عايشة بشخصيها ، ووشها ، و إيجابيتها ، و سلبياتها ، و هدؤها ، و عصبيتها ، مع نفسها و مع كل اللي حواليها.
حقيقي بحس إنهم ناس عايشين بسلام مع نفسهم .
و الغريبة إن كل اللي حواليهم متقبلنهم !
و يمكن بيدعوا ليهم كمان.
و على فكرة كتير منهم محبوبين و بكل سلبيتهم الواضحة وضوح الشمس .
التعليقات مغلقة.