إلى أختي الجميلة في كل مكان وزمان : خذي بنصيحتي
سيدة القصاص
على باب مصر
باصبح عليكم يا ستات مصر…..والعالم من حولها…
إلى أختي الجميلة في كل مكان وزمان…خذي بنصيحتي :
- حركي العفش كل فترة ونظفي تحته وارمي ملح تحته وسيبيه
ونظفي التراب واتخلصي من الكراكيب وارمي الدباديب والأشكال الحيوانات أو الطيور في البيت - اقفلي باب الحمام طول الوقت وبالليل ولعي النور فيه لمده اسبوع وبعدها اقفلي بابه بس وماتولعيش نور ، وامسحيه بماء وملح وشبه ، وشوفي الفرق
- افرشي ملايات فاتحة ومشجرة والوانها مبهجه و عطري فرش سريرك بمسك بودر مجرد ريحه بس ،
- رجلك تعباكي حطيها في ميه وملح
حنيها بحنه بلدي بس اعجنيها بماء ورد - اقفي في اتجاه القبله في كل مكان في البيت ماعدا الحمام وادعي باللي نفسك فيه
- بخري بيتك بحبه البركه بس بلاش الحمام يخشه نار أو بخور ولكن وانتي بتبخري سيبي بابه مفتوح وممكن تضيفي شيح للبخور، وشوفي هتنامي ازاي والأرق هيروح
- وزعي العفش اللي مش عايزاه ، وارمي الهدوم القديمه واتخلصي من الاكياس والكراتين اللي ماليه البيت ، الكركبه بتجلب الغم ، رتبي بيتك واستغني عن اللي مالوش لازمه
- لما تمسحي بيتك حطي شويه ملح وخل في الجردل وياسلام لو تشتري ماء زهر وشبه كمان ودول يبقوا معاكي كل مره بتمسحي
- شغلي سوره البقره في البيت وعلي الصوت وافتحي الأبواب والشبابيك يومين علي اأقل في الأسبوع ، وبعدها قفلي البيت وشغلي سوره آل عمران بصوت مسموع هادي . وياسلام لو بخور مسك أو عود أو ريحان يتولع في البيت . حاجه جميله
و بتطرد الطاقه السلبيه من البيت ، عشان تحسى أنه بيت فعلا وتحبى وجودك فيه ،
تحياتي…
.
التعليقات مغلقة.