إلى امى …
اشرف الشناوى
.إلى امى ..
…..يا……
……….برج الحمام…….
النهارده
تاريخ وفاتك
يامه لسه
بعيش حياتك
لسه بينا
حكاوى يامه
ضحكتك لاخواتى
لمه
حضنك المليان
امانى
لهفتك بالليل
عشانى
يامه مين
ياخد مكانك
او يعوض
يوم حنانك
النهارده تاريخ
وفاتك
يامه فى وجودك
حياه
قلبى مش عايش
هواه
قلبى بعدك يامه
تايه
اصل روحه
مش معاه
يامه لسه
كتير امانى
جوا حضنك
غيط غناوى
قلبى يامه
ماانتى عارفه
عمره ولقلبك
مخاوى
مهما طال بينا
الفراق
كل يوم بتزيد
ملامحك
بين غلاوه
واشتياق
يامه صورتك
جوا قلبى
زى ماهى بالزواء
ضحكه صافيه
وقلب طيب
مهما طال بينا
الفراق
يامه يابرج
الحمام
افردى كفك اوام
طبطبى عالجرح
يمكن
تنطفى نار
الالام
فردك المحتار
بيشكى
م الجراح والانهزام
انفخى فى القلب
يرجع
دقه تانى
بانتظام
يامه يابرج الحمام
اسمحيلى
لما اجيلك
يامه فوق قبرك
انام
صدقينى
جنب منك
قلبى بيحس بسلام
قلبى بيحس بسلام………….
اشرف الشناوى
التعليقات مغلقة.