إنسان عفيف شعر / أبومازن عبدالكافي
في السن ده!!
نفسه العزيزة
تئبى مد الإيد لحد
في السن ده ؟!!
والله يصعب ع اللي..
عنده شعور بجد
مضطر يقعد ع الرصيف
جايب ميزان ..
علشاني وعشانك..
لو احنا معديين فيمكن نتوزن
ونحط له حق الرغيف
ماهو لو قعد في البيت..
يجوع .. والجوع مخيف
ياابويا ارفع للسما جبينك
اوعاك تحس بالحرج
والله عارفينك ..
راجل شريف .. إنسان عفيف
ارفع بأه راسك
دا مهما ضاقت هتفرج
إنت ما بين ناسك
والدنيا مهما ضلمت
هتلاقي ونَّاسك
ولو تحس بألم ..
وتدارِي إحساسَك
ادعي .. وقول يارب
ربك بحالك عليم
ومسيره يفرجها
شايفك وأبدا مايرضي
إنك تبات مقهور
وهيبعت الرزق من عنده
وهترجع للعيال مجبور
التعليقات مغلقة.