إنسى بقلم الشاعر /محمود فوده
لسه بشوقي سارح
وان لسه الورد طارح
وان مهما قسيت عليا
قلبي بيحن لزمانك
ولمكانك لأ يا فالح
إنت فاكر إنى لسه ضعيف بحبي
لما قلبك داس وعدى سنين معانده
إني اسامح
ولَّا أرجع تانى أعيش
ويا ماضي قاسي ،جارح
قلبي م االأحزان تعب
واللي فات من عمري ضاع
كدبه بيضه وكله وهم
زي أحلامنا البريئة
ولَّا أملي كان بيشبه نور شعاع
تاه شعاعي لما قلبك خان وباع
هي دي كل الحقيقه
اللي ياما هربت منها
وقولت عنها يوم عشانك
هبقى ظلك وابقى كل شئ فاضلك
واني بستقوى بحبك
واللي تؤمر بيه يطاع
جي تعمل فيها شاري
واني لسه في عين غلاوتك
وبشقاوتك زدت ناري
إنت ليه فكرت ترجع
عد في سنين الخصام
إنت شاطر بس توجع
جى تزود في الآلام
قلبي مش حمل المجاهده
بكفاياك كتر المناهده
لما شوفتك في البدايه
قلبي ليك سلم أوام
بس روحي بتعاتبني
إن حبيتك في يوم
كل يوم بتقولي سبني
ليه خنقني بالهموم
كنت عايشه باللي فيَّا
حتى لو مابشوفش نوم
لما حنيت مره واحده
شوفت أيام النهايه
والعذاب وياك يدوم
غاب وزاد في البعد هو
وقلبي عاد مكسور بقوه
وف هواه مرتاح وعايش
حتى لو يوم جت له نوَّه
يصحي ويفوق م اللي فيه؟
عد لي كم مره قالها
ياوحشني بعد غيبه
ولا مره شاف دموعك
والعجيب بيشوفها عيبه
هو مره قال سلامتك
ياسلام مليار عجيبة
لو يحس بقهرتك
على كل شئ في الذكريات
كانت دموعه تغرقك
لو حس قلبه مكنش مات
يمكن يكون مرتاح وهادي
لو بعت رساله حتى
يشوفها أو ما يشوفها عادي
من بعد لهفة وشوق وحب
ومركبه شارد قصادي
النهارده مفيش سلام
حتى مات جواه كلام
داس علي الحب اللي بنا
وحبي بالنسباله ماضي
من ديوان حيـــــاة الــروح
التعليقات مغلقة.