إنهاء بعض العلاقات حياة جديدة
قلم/أسـمـاء الـبـيـطـار
ديماً و زي ما متعودين مني باخد أمثال من حياتنا اليومية علشان نقرب مسافات الفهم و الوضوح .
أكيد كلنا بندخل المطبخ ، بيقع مننا حاجة بنجيب قطعة من القماش ، أو فوطة مطبخ زي ما تسموها و نمسح بيها اللي وقع .
مره على مره لون القماشه دي بيبهت ، فبنضطر نخليها لحاجة تانيه أكثر عفواً ” إتساخ ” زي البتوجاز مثلاً ، و مره على مره …
مش هتعرف أصل الحته اللي في إيدك دي كان إيه ؟!
هتحاول تفتكر شكلها ؟!
و إيه اللي وصلها للحالة دي؟!
و للأسف مش هتنتبه إلا لما
” تسمح عيون البتوجاز و هو ساخن و تلسعك في إيدك “
من كتر ما شالت ، و اتحملت ، و ما هانش عليك تريحها بحاجه تانيه تشيل معاها شويه !
فهمنا المقصود .
أهي حتة القماش دي إحنا
بنفضل نشيل ، و نتحمل ، و نداري ، و نبرر ، و نسامح ، و نعاتب ،
و نضحك وجع ، و نتوه ، و نتنفس ببطئ ،
و يمكن كل ده ليس له مبرر سوي إنك ” إنسان ” تحمل صفة الإنسانية .
و لكن بعد كل هذا لابد أن تتذكر ، تتعلم ، و تتعود
إنك بشر، بني آدم ، لحم و دم ، بتحس ، و بتشعر ، ليك طاقة ، و حدود مع نفسك قبل ما يبقى ليك حدود مع غيرك ،
مش مجبر على أي شئ يهد روحك من جوه عفواً و لو كانت إنسانيتك ، لإنك في النهاية بشر
خُلقنا في الدُنيا لفترة من الزمن .
و ما ذهب من أعمارنا لن يعود .
فعش بسلام مع نفسك .
و تخلص من أي علاقة تسبب لك الأذى النفسي
و لا تندم ما دُمت فعلت ما عليك .
و تذكر .. مُجرد تذكر بينك و بين نفسك كم علاقة تخلصت منها .
سببت لك الأذى
و شعرت بعدها براااحة ، و إنك إنسان جديد.
أو كـ الذي تعافي من مرض و عاد للحياة بروح جديدة .
أو على الأقل بتتنفس بهدوووء .
التعليقات مغلقة.