(إوعاك تنسى)
سولافا بسيوني
فاكر عند الإتحادية
لما إتعذب ناس
ع السور.
فاكر لما احتلم
رابعة وحوطوا
ميدانها وكان
مأسور.
فاكر لما القسم
إتدمر وأمن بلدنا
كان مكسور.
فاكر لما سجونا
إتفتحت وقتلوا
الظابط والمأمور.
فاكرلجنتنا الشعبية
بايته لحد طلوع
النور.
فاكر دم ولادنا
السايل وعطره
الجاي من أحلى
زهور.
خليك فاكر إوعاك تنسى..
الأيام الصعبة
أهى عدت والصورة
غرقت في بحور.
خليك فاكر إوعاك
تنسى أيام ما
إنكشف المستور.
ربك كان هو إللي
حافظها سخر
جيشها لجل حياتنا
يزورها النور.
خليك فاكر سنة
عيشناها مفيهاش
عدل ولا دستور.
فاكرين مصر
هتصبح عزبة
لجماعة خفافيش
في جحور.
كانوا عايزنا بيها
نضحى حسبوا
الشعب كان مجبور.
ثورة يونيو كات
نهايتهم بالنسبة
لنا جسر عبور.
رجعت تاني شمسنا
تشرق وجناين
بشعاعها تنور
ماليا شوارع مصر
زهور.
خليك فاكر إوعاك
تنسى.
التعليقات مغلقة.