إيه فكرك بيا ..؟ بقلم / زينب سليم أحمد
ايه فكرك بيا . .؟؟
بعد السنين ديا
مش قولت يومها وداع
وان اللي بينا خداع
حتى الذنوب والعيوب
طلعتهم فيا . . . !!!!!
..
مشيت ماقولت سلام
وقفلت اي كلام ..!!!
فكرك دا لما تغيب
اني هضيع أو اعيب
ودموعي تملا بحور
وابعت عتاب وملام
..
فكرت . . . لما تجور
راح تطفي فيا النور
وربيعي يبقى خريف
والقلب يبقى ضعيف
يرجع اليك تاني ويحن
لأناني بإيده بات مكسور
..
ماتقولي ايه جابك
كان لك حبيب سابك
وعاوزني انا مكانه
مانا بعتني عشانه
فكرك في يوم هنسى
وهاحن لجنابك ..!!!
..
ارجع مكان ما اجيت
صدقني والله نسيت
خليك بقى في حالك
واياك تقول مالك؟؟
وتعيشلي تاني الدور
ولا تقول . . حنيت
..
ابعد بعيد …. امشي
وياريت ما ترجعشي
انسى اللي بينا زمان
والله مهمن كان
عمري ما هرجع ليك
وعليك ما بندمشي
التعليقات مغلقة.