ابويا يا طيب و حشتني
أسـمـاء الـبـيـطـار
يوم ما مات ابويا و بعد ما و ديته و رجعت
دموعي كانت نازله لوحدها كنت حاسه بكل دمعه نازله .
ما فوقتش غير على صوت بيقول
بصي شكل ابوها ازاي
قلبي من جوه فرح
بس عينيا ما بطلتش
كنت بتنفس ببطء
كنت شايفه الناس كأنهم واحد
ما لهمش شكل و لا ملامح
بيتكلموا كتير و لا كلمة سمعاها
مين قعد و مين مشي
و لا درايه غير إني مفتحه عنيا
و الدُنيا بتفضا من حواليا .
كنت دنيا لوحدك يا حبيبي
و الباقي دنيا تانيه .
و حشتني يابااااا
اول مره اقول يابااااا
بس اللي جوايا صوت وجع .
التعليقات مغلقة.