اتنين في واحد
بقلم مايسة إمام
أنا الاتنين في واحد
أنا الطيب أنا الجاحد
انا الدمعة والضحكة
انا اللي مــ الزمن واخد
قسوته ودمعته وغُلْبُه
وايده اللي ….
على اد مَابتِدِي
على اد مابتاخد
أنا عِشْرِة العمر
متهونش على الواحد
أنا العالم أنا الجاهل
أنا المكسور أنا المغرور
ومكسب يومه شئ واحد
محبة خلق في الدنيا
زرعها الخالق الواحد
جوايا قلب رحيم يلين
يبكي ويدعي يقول آمين
وعارف إنه من المذنبين
أنا بسمة، تِغَيَّر حال عن حال
في ثانيتين
أنا أبيض، أنا أسود
أنا جمرة نار وغيط خَضَار
وصحراء صفراء، وليلها سُتْرَه
انا عكسين، أنا ضدين
لكن بيني وبين ربي
بَدْعِي وأقول يارب عِينْ
مايسة إمام
التعليقات مغلقة.