احبسوا كل اللصوص…بقلم أشرف الشناوي
امسكوا
كل اللصوص
اللى مصوا الدم
اكتر م الناموس
واللى قالوا
ان الغلابه فى عرفهم
حبة فلوس
واللى باعوا الارض
ول حبة مجوس
واللى طفوا الشمع
من جوا الفانوس
امسكوا
كل اللصوص
اللى نهبوا واللى
سرقوا
واللى قاعدين
عالكراسى
بالخصوص
واللى مات فيهم
ضميرهم
واللى اخدوا
رزق غيرهم
بالغموس
واللى سابوا
البقره تحلب لما
ماتت م الطقوس
اللى عدت يوم
كروشهم
كل احجام الجاموس
امسكوا
كل اللصوص
اللى داسوا عالامانى
واللى خلوا
الحلم غالى عالنفوس
اللى شافوا الصبح
طالع
دخلوه جوا
التروس
كسروا الفجر
اللى شقشق
دغدغوه تحت
الضروس
مش مهم مصر
تبقى
والا تشقى
المهم يحنوا راسها
بالفلوس
طول مافيها ناس
غلابه
تلقى فيها برضه
سوس
رجعوا الحق
اللى ضايع
م الديابه للغلابه
رجعوا الجن
الفانوس
واحبسوا كل اللصوص
واحبسوا كل
اللصوص
اشرف الشناوى
شاعر عاميه
البرامون
التعليقات مغلقة.