احلام ف الغربه ..محمد مكاوى
بس نادى
مره علينا
شوفى مين
يتأخر فينا
من زمان
و بتستنينا
تانى و ف حضنك
تاخدينا
يا غاليه ساعه
بنتعصب
والجو ما بنا
بيتكهرب
بنلم الهدمه
و نتغرب
نحلف لك
لأ مش هنقرب
بتاخدنا توهه
وف ثانيه
بنعيش الاحلام
الفانيه
و امّا نعرف
عالم تانيه
نعرف انك
مانتش جانيه
حوشّنا المال
للحاجه
والناس زيّنا
محتاجه
اصبح احساسنا
ف تلاجه
عايز دفا
وحنان الام
و ف حضنها لعيالها
تضم
مهما ورانا
هى اهم
هى العشق السارى
ف الدم
بس نادى مره علينا
……….
محمد مكاوى
التعليقات مغلقة.