احلام كتكوت… شعر/ أشرف الشناوي
انا ياما حلمت
كتير احلام وتموت
انا مره حلمت
اكون عصفور كتكوت
واطير في الفضا
من غير جناحات
والف الكون
واملا الملكوت
بالغنا فوق نخلي
وشجر التوت
انا ياما حلمت
كتير احلام وتموت
بصيت فلقيت الدنيا
بقسوه تهد بيوت
ولقيت الخلق
بتاكل بعض
علشان من خرم الابره
تفوت
ولقيت غربان عالشط
بتغزل الف تابوت
وبتقفل باب الفجر
وبالنبوت
وتغطي في شمس الدفا
باحبال وخيوط
فحلفت ماعدتش
هاحلم تاني
واموت
……………………..
اشرف الشناوي
شاعر عاميه
البرامون
المنصوره
التعليقات مغلقة، ولكن تركبكس وبينغبكس مفتوحة.