احلَم…الدمع نيل جوه العيون… بقلم حسن أبو عرب
ياحوارِى تشبِه بعضها وبيوت
يازرع دبلَان ع الشطُوط
عريان ياتوت
الدمع نيل جوه العيون
مكبوت
بحر الغلابه سمك
وبيحكُمُه كام حوت
احلم ياطير بالشجر
واحلم تلاقى القُوت!!
ياقطر بِينَا عَدى.. فُوت
واياك تحيد
ياابو قلب شرايين
من حديد
شايل على كتَافَك حمُول
حكايات وقُول
فيك العويل وابن الأصول
مهى دنيا غابه آخرها موت
يامراكبى دُور خليك صبور
دا البحر مُوجُه ع البرُور
والطرح حور
ياقلبى ياوجع النايات
فَوَّق وصحصح م السبات
اكسر شرانقك والتابوت
اكسر شرانقَك والتابُوت…
التعليقات مغلقة.