احنا مين بقلم.. محمد عبد الرحمن سعفان
…….
احنا مين
احنا فين
هو ضاع الحب بينا
ولا تهنا في سكتين
الشدة كات زمان لو تزورنا
تعدي بركعتين
دلوقت سا كنة فينا
واحنا سكنا فين
احنا مين
احنا فين
النهاردة الليل معدي
الضهر ليه
هو خارج عن مداره
ولا حد شادد ايديه
ولا حاله زي حالنا
سكته بقت سكتين
احنا مين
احنا فين
كل صبح ومش اشاعة
في الاخبا ر المذاعة
حد قاتل ابنه
وحد واكل ورث اخوه
واللي بعد الحب بينهم
الاهل جم شالوها او شالوه
واللي ليل نهار بيغني مصر امي
سارق امه وكمان ابوه
وضاحك علينا بكلمتين
احنا مين
احنا فين
احنا لو رجعنا لاصل طينا
واتمسكنا بكل دينا
راح نلاقي رب اسمه الكريم
يعينا
يبقي لينا ايد وعين
ساعتها نعرف
احنا مين
واحنا فين
……….
محمد عبد الرحمن سعفان
التعليقات مغلقة.