اخر حلم…عود ياسمين شعر أشرف الشناوي
اخر حلم
فى واحد
بعد العشرين
انى اعدي بعود
ياسمين
او الاقى الضحكه
مابين قلبين
عاشقين
او الاقى الصبح
ينبت وسط
الطين
او الاقى الفجر
يطل بشوق
وحنين
او ترجع تانى
الناس
بنى ادمين
اخر حلم
فى واحد
بعد العشرين
انى الاقى العالم
عايش فى سلام
مش حرب
وموت
وعيال لاجئين
والارض بتطرح
بعد الدم
بساتين
اخر حلم
فى واحد
بعد العشرين
انى الاقى
فى وسط الكون دا
حياه
ونقول من تانى
بصدق
الله
ونحس ببعض
فى قولة اه
اخر حلم
فى واحد
بعد العشرين
انى اعدى بعود
ياسمين
اشرف الشناوى
شاعر عاميه
البرامون
المنصوره
التعليقات مغلقة.