اخـتلف ويايا.. بقلم معوض حلمي
اختلف ويايا لو كان خلافنا يعدل المايله
وافتح لي قلبك وقلبي بيقولك مراحب
جرب نقاش العـقل تلـقى الدنيا هايله
وشـوف خـلاف الجـهل بيغرق مراكب
كـل المـصـاعـب فـي الحــــــياه زايـله
شوف الفرح والموت بنمشيهم مواكب
إخـتلف ويايا أيـوا وقــرب مـني باع
واياك تزيـد البــــعد يطـرح قســــاوه
أصـل المحـبه بالرضـا مــش بالـدراع
سكـتنا لـو صـعـبه نطـويـها بهــــداوه
والرحــله نمـشــيها والخـــير شــــراع
والصحـبه صفـصـافـه تطـرح طـــراوه
إختـلف ويايا عــــــــادي لكـن بالأدب
وايـاك تبــيع الــود خـلــيك صـــــبور
جـرح الأســيه يتلــحـم لـو بالعــــتب
والحـبه بيمـوت جدرها والأرض بـور
واللـي بيـزرع خـــير يحــصد عجــب
ويدوم بسيرته الطيبه لـو في القـبور
بقلمي معوض حلمي
التعليقات مغلقة.