” ارجع يا واد اعترف “
شعرسيدة القصاص
عموما يا إرهابي
خيبتك
ماهيش على حد
أيه يعني
موت
إتنين …تلاتة
عشرة .. بجد؟
النصر مش
بالموت
ولا باغتصاب.
الأرض
النصر ده
بيكون
طبعا بنيل
الشرف
أما أنت عار
مجنون
والله ….
جاتكو ” القرف “
ارجع ياواد…
اعترف
غاسل دماغك
وغد
لا خُلق ليه
ولا دين
ولا ملة…….
ليه… يا عويل
“صعلوك”
فـ إيد “بهلـول”
داقق لك
“الشخاليل”
عمَّال
يمنطق فيك..
يا ” دُهُلّ “
زي القرد ؟؟؟
ارجع ياواد…
فكر…ف الحق.
واتـدبر
مصر حاميها
رجال
وأنت غراب
رحَّال
هايجرجروك
ف “شوال”
ها….يزلزلوك
كالرعد
ودمهم شغال
كحقنة …المجهر
” بيزرَّع “
الأبـطال
عمرك ف يوم
ما تنول
اللي ف هواك
مأمول
دا الكون دا كله
زوال
ومـصـر
هيَّ ….الوعد.
.
التعليقات مغلقة.