ارسم طريق للسلام .بقلم. يحيى العبادي
جمع حروف الكلام
وارسم طريق للسلام
واحكيلي لو هاتعيش
في خير هاتدفع كام
سطر سطور الخير
واقري الحروف للغير
واحلم ب بكره جديد
وارمي الوجع بالبير
احلي كلام لو تاه
فين السلام تلقاه
تهرب مننا الايام
ونعيش بوجع الاه
فكر تكون موال
الخير كتير يتقال
اياك في يوم تنسي
وهدفك يكون المال
حلمك وبيه حالم
ربك كبير ….عالم
ان يوم زرعت الخير
تعيش سليم سالم
خلي السلام غايه
قوم ارفع الرايه
وقول انا من الناس
الظلم …..ليه نهايه
التعليقات مغلقة.