(( ازاى )) بقلم احمد زيدان
أزى أخرج من أحزاني
أبدل دمعتي بضحكة
أجيب للفكر حل جديد
حل خالي من التعقيد
أعيش الوحدة بتأني
أفصل فرحه علي قدي
أطبطب بيها علي جرحي
أقولة سامحني مش قصدى
زرعت الورد علشانه
أخدت الشوك في أحضاني
أصالح جرحي من ناحيه
يجيني قلبي يصرخلي
يبكي من الوجع و الآه
يبكي بصوت عالي بحرقه
يرجع من تاني و يقولي
انت السبب في أحزاني
حبيت الزيف بألوانه
وثقت فيه وكان أملي
فرشت له بستان فرح
طرح الألم في بستاني
طعني بخنجره المسموم
معاه سلمت أمنت و نمت
صراخ الكدب صحاني
لاصآن الحب و العشره
إخلاصه كان دهب قشرة
ممثل كبير أوى بارع
في قوته يبان ضعفه
بكل سذاجه صدقته
سلمت ليه زمام أمري
بكل أمانه دمرني
كان ديما ملاك طاهر
مراوغ كبير أوى ماهر
متمكن فهلوى شاطر
كنت انا حصان كسبان
لعبني بكل أسلايبه
وكان ربحان
فايز كسبان
غفلت صحيت لقيت نفسي
أنا الغلطان
أنا الخسران
بأيدي حصدت أوهامي
كنت أنا كتب مفتوحه
بيكتب فيها أحلامه
يتمني و يتخيل
يشاور بس بصباعه
يلاقي الحلم يتحقق
علشانه قتلت احلامي
قلبي كان له وطن و امان
طبيب يدااوى و يطبطب
يخفف عنه وجع قلبه
وقت الحزن بيواسي و بيضمه
يقاسمه كل أوجاعه
ولو كان التمن ألمي
أروح له لو انا المجروح
و لو كان الغلط منه
اسامح بسرعه أتنازل
أتمني أنول وصله
استني صدفه تجمعنا
يدوب كل اللي كان بينا
أصدق تاني و أرجعله
ومن تاني بكل سهوله يجرحني
يحط الملح فوق الجرح
يدوس بأيدة يطمن
إني بآسي و بعآني
سامحني يا قلبي مش قصدي
أحمد زيدان البلياتشو
التعليقات مغلقة.