ازاي خذلوك …بقلم علافياله

أنا حد اتحمل ما اتألم
ومكمل عادي في مشواري
وبشوف خذلاني عشان صدقي
كان كل مشاعري وأفكاري
وضماير الناس كلها صافيه
وقلوبها دي أهلي وحراسي
أنا حد. صريح جدا لكن
كان كل جريمتي ف احساسي
مافهمتش يمكن معرفشي
أو يمكن فاهم وبحاول
فكرت الناس كلها زيي
وصريحه وهي ببتعامل
فشربت كاسات من خذلانهم
وعافيت من كرمي واحساني
ما أنا أصلي ف نظري عزيز جدا
وكرامتي مبادئي وعنواني
فكابرت ف جرحي و عديته
ف لقيته بيصغر ف عيوني
وإن كان ع الحب اللي إديته
فأنا فزت بذاتي وخسروني