استنادا ع اللى عدى … و ردا على رائعة المبدعه العبقريه /عبير عبد المنعم … بقلم/السندباد الطائر غريب الشعراوى
استنادا ع اللى عدى … و ردا على رائعة المبدعه العبقريه /عبير عبد المنعم … بقلم/السندباد الطائر غريب الشعراوى
وامتثالا للى جيى
قطر عمرى لما هدى
التقيتنى فى عزفه ضى
…..
واستنادا ع اللى فايت
و اللى لسه جاى يفوت
و فى عزومتى قال لى دايت
اكلتى حبة سكوت
…..
و استنادا ع اللى عدى
من طعام اهل الخيام
من بقايا دقيق و رده
وبأوامر م الحاخام
…….
المخيم ناره قايده
من بارودنا و الدانات
والإباده فى المعايده
و العروبه فى حضانات
……
و استنادا ً ع المراره
و ع القذاره م القرود
و الديابه ع المحاره
نار بتنهش فى الصمود
…..
و الشرف يانجم نايم
مش عزايم ع اللى ضاع
الخمول معناه جرايم
من سكوتنا ع الضباع
……
و استنادا ع العزيمه
فى قلب اطفالك جنين
راح نحول ميت هزيمه
لألف نصره بنور مبين
……
و امتثالا للضماير
اللى شايبه من زمان
حددوا لهم فى المصاير
ألف مجرم فى اللومان
…..
و استنادا ع المجازر
و المحارق و الغارات
الملايكه جت تآزر
القضيه فى ملحمات
و عجمى
التعليقات مغلقة، ولكن تركبكس وبينغبكس مفتوحة.