استهلاك
قلم فيروز محمد زيدان
أنَا حُضني بقا مهرِي
من كُتر ماستَقبلت
فيه سُكان
قضّيت حياتي
كلّها استهلَاك
ملقِتش حد يرمّمُـه
النّاس بتحدِف فيّا
حُزنها وتجري
ادمَنت احسَاس النّدم
والوِحده ..
والتفاصٌـيل
علمني سنّي
ان الحياه تساهِـيل
وانا كُنت دايما بجرِي
جوّا الصّعب
واختَار رفيقي اللّـيل
انا كُنت دايما
ابُصلِـي اعرفنـِي
دلوَقت بسأَل في
المرايَة انا ميـِن
ازّاي بقِيت تمثَال كدا
يبهـَت مع مرور الزّمن ..
مع انّي لسّه فـِ أوّل
العشريِـن.
.
التعليقات مغلقة.